Чăваш чĕлхи эрни малалла пырать. Ака уйăхĕн 20-мĕшĕнче кĕçĕн классем хушшинче „Асамлă уй“ ("Поле чудес") вăйă иртрĕ. Вăйăри ыйтусем И.Я.Яковлев пурнăçĕпе тата Чĕмпĕр чăваш шкулĕпе  çыхăннă. Пуçламăш классем валли ыйтăвĕсем çăмăлах пулмарĕç пулин те, вăййа хутшăнакансем йывăрлăхсене çĕнтерме пултарчĕç. 3 класра вĕренекен Маргарита Макарова вара финала тухса вăйă çĕнтерÿçи пулса тăчĕ.